Дарёфти ҷасади сокини 24-солаи пойтахт
Душанбе, 18.06.2014. (АМИТ «Ховар», Муқаддас Темурзода).- Тавре ки маркази матбуоти ВКД ҶТ хабар медиҳад, 16 июн тахминан соати 17:05-дақиқа дар байни биноҳои истиқоматии кӯчаи Алишер Навоии пойтахт дар вақти азназаргузарондар дохили мошини «Hundai Tukson» ҷасади шаҳрванд Хурсандмурод Шоҳраҷабов, соли таваллудаш 1990, сокини шаҳри Душанбе бо аломатҳои марги маҷбурӣ дарёфт шуд.
Тибқи иттилои манбаъ номбурда 14-уми июн аз хонаашон баромада, бедарак ғайб зада буд. Баъди азназаргузаронии ҷойи ҳодиса ва бурдани чорабиниҳои фаврӣ-ҷустуҷӯӣ рӯзи дигар кормандони милитсия ҳамчун гумонбар дар ҷинояти куштор ду нафар сокини ноҳияи Варзоб, Сайриддин Исматови 24 -сола ва Наҷмиддин Исматови 37 -соларо, ки пеш суд шудааст, дастгир намуданд.
Муайян шуд, ки дастгиршудагон рӯзи 16-уми июн дар ҳавлии истиқоматиашон бо истифода аз таппончаи “Макаров” шаҳрванд Хурсандмурод Шоҳраҷабовро ба қатл расонида, сипас ҷасади ӯро ба мошин бор карда, ба кӯчаи Алишер Навоии пойтахт оварданд. Ҳамчунин қотилон кӯшиши оташ задани мошинро карда, зарфи пластикии 1,5 литраро оташ гиронда, ба дохилаш партофта, аз ҷойи ҳодиса ғайб задаанд.
Аз рӯи ин ҳодиса парвандаи ҷиноӣ оғоз гардида, тафтиш идома дорад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






