Дастаи мунтахаби Испаниё тарки мусобиқот мекунад

Душанбе, 19.06.2014. (АМИТ «Ховар»). – Дастаи  мунтахаби  Испаниё тарки мусобиқоти  ҷаҳон  оид ба  футбол  менамояд. Футболбозони  Испаниё  дар  вохӯрии  даври  дуюми  мусобиқот  бозиро  бо  ҳисоби  0:2 ба дастаи  мунтахаби  Чили  бохтанд. 
Дар  вохӯрии даври  дуюми  гурӯҳи  «А»  футболбозони дастаи  мунтахаби  Хорватия  бо  ҳисоби  4:0  бар  дастаи  камерун  пирӯз  шуданд.
Баъди  ду  даври  мусобиқот  дар  гурӯҳи  «А»  дастаҳои Бразилия  ва  Мексика 4  холӣ  ва  дастаи  Хорватия  3  хол доранд.
Имрӯз дар  вохӯрии  якуми  даври  дуюми  гурӯҳи  «С»  дастаҳои  Колумбия  ва  Кот –д Ивуара  ва дар  вохӯрии  дуюм  дастаҳои  мунтахаби  Ҷопону  Юнон  қувваозмоӣ  менамоянд.