Дастаи мунтахаби Тоҷикистон ба Эстония рафт

Душанбе, 05.06.2014. (АМИТ «Ховар», Пайрави Қосим). —  4  июн ҳайати  дастаи  мунтахаби  миллии Тоҷикистон  оид ба  футбол ба  шаҳри  Таллини Эстония рафт, ки дар  он  ҷо  7  июн  бо  дастаи  мунтахаби  Эстония  қувваозмоӣ  менамояд. 
Тавре  ки аз Федератсияи футболи Тоҷикистон  хабар  доданд, ба ҳайати  дастаи  мунтахаб  бо  роҳбарии  президенти Федератсияи  футболи  Тоҷикистон   Азизбек  Раҷабов 22  нафар  футболбозон  шомиланд.
Дастаи   мунтахаби  миллии  кишвар  пеш  аз  сафар  ба  Эстония  дар  варзишгоҳи клуби  футболи  «Истиқлол»  воқеъ  дар  шаҳраки Алмосии ноҳияи  Ҳисор  машқ  намуд.