Филм дар бораи Боғи миллӣ

Душанбе, 02.06.2014. (АМИТ «Ховар», Анна  Мошенко). —  «Тоҷикфилм» ва  шабакаи телевизиони «Ҷаҳоннамо»  филми Мирзо  Асозода «Боғи  миллии  Тоҷикистон» — ро ба  маърази  намоиш мегузоранд. Филми  мазкур   ба  силсилаи  «Кишвари  ман»  шомил  буда,  дар  бораи  Боғи  миллии  Тоҷикистон  воқеъ  дар  маркази  Бадахшон қисса  мекунад. 
Дар  филм аз  набототу  ҳайвоноти Боғи  миллӣ, калонтарин пиряхҳои  Осиё,  аз  қабили пиряхи  Федченко, ки  ба  масофаи  77  километр  тӯл  кашида,  бараш  баробари  1,5  километр ва  ғафсиаш  800 —  1000  метр  мебошад, муфассал  нақл  мекунад. 
Офарандаи  филм  зикр  менамояд, ки   имрӯз ба  беш  аз  7 ҳазор намуди  ҳайвонот  ва  қариб  60  ҳазор намуди  наботот  хавфи  нестшавӣ  таҳдид  мекунад. Бо назардошти  ин ҷомеаи  ҷаҳон  барои  ҳифзи  олами  набототу  ҳайвонот  қувваашро ҳам  аз  ҷиҳати  моддӣ  ва  аз  ҷиҳати  маънавӣ дареғ  намедорад.