Фотима Сумар- меҳмони гумрукчиён

Душанбе, 16.06.2014. (АМИТ «Ховар», Зарангези Латиф).-Ҳафтаи сипаришуда Рустами Эмомалӣ, сардори  Хадамоти гумруки назди Ҳукумати Ҷумҳурии Тоҷикистон, ноиби ёвари котиби давлатии ИМА доир ба масоили Осиёи Марказӣ ва ҷанубӣ Фотима Сумарро ба ҳузур пазируфт. Рустами Эмомалӣ аз ташрифи Фотима Сумар  ва ҳамкории судманд миёни Хадамоти гумруки кишвар ва Ҳукумати Амрико изҳори ташаккур карда,  хонум Фотимаро бовар кунонд, ки сафараш пурсамар ва хотирмон хоҳад буд.
Зимни мулоқот ташаббуси Ҳукумати Амрико оид ба роҳандозии Барномаи нави Роҳи Абрешим  мавриди баррасӣ қарор гирифта, таъсиси бозори ягонаи энергетикӣ, мусоидат ба савдо ва роҳҳои рушди он, ба ҳам овардани соҳибкорон ва тоҷирон паҳлӯҳои асосии барномаро ташкил доданд.
Ҷонибҳо барои  беҳтар намудани фаъолият дар соҳаи гумрук таҷдиди назар намуданд.
Дар ин бора Ҳумайро Мирова, сухангӯи хадамоти мазкур иттилоъ дод.