Гелоси Тоҷикистон дар Русия ва Чин

Ҳисор, 18.06.2014. (АМИТ «Ховар», Ҳотами Шариф).- Боиси хурсандист, ки меваҳои тару хушки Тоҷикистон дар  ҷаҳон харидорони зиёд доранд, аз ҷумла аз масоҳати 100 гектар боғи гелоси хоҷагии «15-солагии Истиқлоли Тоҷикистон» дар ноҳияи Ҳисор соли сипаригардида беш аз 600 тонна гелоси хушлаззат ҷамъоварӣ ва як қисми он дар бозорҳои Русия ва Чин фурӯхта шуд.
Тибқи иттилои раиси хоҷагии мазкур  Очилдӣ Раҳмоналиев алҳол беш аз 200 тонна гелоси аълосифат ҷамъоварӣ ва як қисми он ба хориҷи кишвар  содир шудааст. Хоҷагии мазкур  дорои 450 гектар боғ буда, 130 гектари онро навъҳои содиротии гелос ташкил медиҳад.