Хуҷанд: Истироҳати ройгон барои кӯдакон
Душанбе, 13.06.2014. (АМИТ «Ховар», Зарангези Латиф).- Бо фаро расидани фасли тобистон ҷалби кӯдакону наврасон ба истироҳатгоҳҳо оғоз меёбад. Дар шаҳри Хуҷанд, маркази вилояти Суғд низ кӯдакону наврасон ба истроҳатгоҳҳо фаро гирифта мешаванд. Тавре аз мақомоти иҷроияи ҳокимияти давлатии шаҳри Хуҷанд хабар доданд, 150 нафар кӯдакон аз оилаҳои ниёзманд давоми ду ҳафта дар муассисаи солимгардонии Парвоз ройгон истироҳат менамоянд.Мавриди зикр аст, ки аз ҳисоби буҷаи мақомоти маҳаллӣ барои кӯдакони оилаҳои ниёзманд 60 ҳазор сомонӣ маблағ ҷудо шудааст.