Хуҷанд: нишондиҳандаҳои назарраси толибилмон

Хуҷанд, 19.06.2014. (АМИТ “Ховар”,Абдуаҳад Шарифзода).-Имрӯзҳо  дар ҳамаи мактабҳои ҷумҳурӣ  имтиҳонҳои давлатӣ ҷараён доранд. Тавре аз мақомоти иҷроияи ҳокимияти давлатии шаҳри Хуҷанд иттилоъ доданд, дар айни ҳол дар шаҳри Хуҷанд 48 мактаби таҳсилоти миёнаи умумӣ фаъолият дорад, ки  аз ин шумора 11 мактаби хусусӣ мебошад. 
Соли равон муассисаҳои таълимии шаҳри Хуҷандро 2119  нафар толибилми синфи 11 ва 2899 нафар хонандаи синфи 9  хатм менамояд. Ба гуфти манбаъ, соли таҳсили 2013-2014 барои омўзгорону хонандагони шаҳр соли бобарор буд.  Аз шумораи умумии хонандагон  10 нафар чун довталаби медалҳои тилло ва нуқра пешниҳод гардид. Ҳамчунин 29 нафар хонандагон ба гирандаи идрорпулии раиси шаҳр сазовор гашт.