Иқдоми субъектҳои соҳибкории пойтахт
Душанбе, 06.06.2014.(АМИТ “Ховар”, Марзия Саидзода).-Субъектҳои соҳибкории Душанбе тасмим гирифтаанд, ки 10240 метри мураббаъ роҳҳои мошингарди кӯчаю хиёбонҳои пойтахтро таъмири ҷорӣ намоянд. Ин иқдоми ширкатҳои пойтахт аз ҷониби шаҳрдории Душанбе пазируфта шуда, дар иртибот ба он Маҳмадсаид Убайдуллоев -раиси шаҳри Душанбе қарори марбута ба тасвиб расонид.
Тибқи ин қарор Муассисаи давлатии «Раёсати сохтмон, азнавсозӣ ва таъмири асосию ҷории роҳҳою кӯпрукҳои ҳудуди марзию маъмурии шаҳри Душанбе» дар ҳамкорӣ бо Корхонаи воҳиди давлатии «Пажӯҳишгоҳи илмӣ -тадқиқотӣ ва лоиҳакашию кофтуковӣ» — и Вазорати нақлиёти ҷумҳурӣ ва ширкати «Автострада» муваззаф гардидаанд, ки санадҳои харҷномавии роҳҳои харобгардидаро таҳия намуда, инчунин ҳаҷми корҳои иҷрошуда ва сифати онҳоро назорат намоянд.
Корхонаю ширкатҳое, ки роҳҳои мошингарди кӯчаю хиёбонҳои пойтахтро аз таъмири ҷорӣ мебароранд, “Идеал -Сервис”, “Роҳи Тоҷик”,”Роҳсоз”, “Роҳсоз-7”, “Сохтмон -таъмир”, “Мостотряд”, “Проммонтаж”,”Заводи асфалту бетон” ва “Сохтмони кишвар-2012” мебошанд. Маблағи умумии таъмири ҷории роҳҳо, ки аз сӯи субъектҳои соҳибкории пойтахт ба анҷом расонида мешаванд 3 миллиону 300 000 сомониро ташкил медиҳад. Иҷрои қарори марбута ба уҳдаи муовини соҳавии раиси шаҳр Низом Ҳакимов вогузор гардидааст.
Ин иқдом дар ҳоле аз ҷониби корхонаю ширкатҳои сохтмонию роҳсозии пойтахт амалӣ мегардад, ки соли равон 90-солагии Душанбе таҷлил мегардад.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






