Ифтитоҳи боғчаи намунавии кӯдакон дар шаҳри Душанбе
Душанбе, 21.06.2014 (АМИТ «Ховар»).- Имрӯз бо иштироки Президенти кишвар Эмомалӣ Раҳмон дар кӯчаи Раҳмон Набиеви пойтахт ҳамчунин як боғчаи кӯдакон мавриди баҳрабардорӣ қарор гирифт, ки басо зебо сохта шудааст.Президенти кишвар Эмомалӣ Раҳмонро дар назди даромадгоҳи боғчаи нави кӯдакони рақами 63 ноҳияи Фирдавсии пойтахт бо шукргузорӣ аз сиёсати ваҳдатофарӣ ва бунёдкорию созандагӣ самимона истиқбол гирифтанд.Тавре иттилоъ доданд, ин бино бо харҷи 5,2 миллион сомонӣ маблағҳои буҷетӣ аз ҷониби ҶДММ Стройэлита бунёд ёфта, барои 130 кӯдак пешбинӣ шудааст.Бино аз ду ошёна ва утоқу толорҳои гуногуни бо олоту ашёи зарурӣ муҷаҳҳаз иборат буда, дорои шароити хуби таълиму тарбияи кӯдакон аст.Дар атрофи бино мавзеъҳои зиёди бозию дилхушӣ ва машғулиятгоҳҳои махсус омода шудаанд, ки боиси афзун намудани завқи кӯдакон ва қобилияти фикрронияшон мегардад. Тавре аён гардид, насли навраси имрӯза, ки дар фазои истиқлоли давлатии Тоҷикистони азиз парвариш меёбанд, ҳисси баланди ватандӯстӣ ва шукргузорӣ доранд.Сарвари давлат Эмомалӣ Раҳмон ба масъулини соҳаи маорифи кишвар дастур дод, ки дар ҳамкорӣ бо муассисаҳои лоиҳакашӣ лоиҳаҳои намунавии боғчасозиро таҳия намоянд, то ки минбаъд муассисаҳои томактабӣ бо сифати баланд ва тақозои давру замон мутобиқ сохта шаванд ва таъкид дошт, ки талабот ба чунин муассисаҳо хеле зиёд аст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






