Иштироки Р. Солиев дар конфронс оид ба вазъияти Афғонистон
Душанбе, 13.06.2014. (АМИТ «Ховар», Пайрави Косим). — Бо ибтикори Маркази тадқиқоти байналмилалии «EastWest Institute» 11 июн дар шаҳри Брюссел конфронси байналмилалӣ дар мавзӯи «Соли 2014 -давраи гузариш барои Афғонистон» баргузор гардид. Тавре ки аз ВКХ ҶТ хабар доданд, мақсад аз ин чорабинӣ муҳокима ва арзёбии вазъияти сиёсию иқтисодӣ, ҳамчунин амнияти Афғонистон дар давраи интихоботи президент ва ихроҷи Қувваҳои байналмилалии амният аз Афғонистон буд.Дар конфронс намояндагони корпусҳои дипломатии давлатҳои хориҷии назди Иттиҳоди Аврупо, марказҳои тадқиқоти илмию сиёсӣ ва созмонҳои ғайриҳукуматӣ ширкат доштанд.Намояндаи доимии Тоҷикистон дар Иттиҳоди Аврупо Рустамҷон Солиев зимни суханрониаш аз саҳми Тоҷикистон ба беҳбуди вазъияти иҷтимоию иқтисодӣ ва амнияти Афғонистон, ҳамкории дуҷонибаи иқтисодии Тоҷикистону Афғонистон ва ҳамгироии минтақавии Афғонистон муфассал иттилоъ дод. Мавсуф диди Тоҷикистонро дар мавриди таъсири махсуси Афғонистон ба сулҳу суботи минтақа, ҳамчунин рушди иқтисодии Осиёи Марказию Ҷанубӣ баён карда, зарурати омӯзишу истифодаи таҷрибаи нодири сулҳи тоҷикон барои беҳдошти вазъияти дохилии Афғонистонро ба таври махсус қайд намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






