Китоби нави Саймиддин Мирзоев

Июнь 14, 2014 11:40

Душанбе, 14.06. 2014. (АМИТ «Ховар», Зарангези Латиф).- «Гардиши ғайриқонунии маводи мухаддир-таҳдид ба низоми амнияти миллӣ», зери чунин унвон китоби тозанашри Саймуддин Мирзоев рӯи чоп омад.Китоби мазкур ба масъалаи таҳкими амнияти миллӣ ва пешгирии гардиши ғайриқонунии маводи мухаддир ва моддаҳои психотропӣ бахшида шудаааст. Ҳадафи аслии китоб аз он иборат аст, ки барои мубориза бо ин падидаи номатлуб аҳли ҷомеа саҳм гиранд, зеро маводи нашъадор аз сангинтарин мушкилиҳои ҷомеаи имрӯзаи ҷаҳонӣ ба шумор меравад. Муаллиф дар асоси таҷрибаи амалии худ ва тадқиқоти илмию назарии мавзӯъ ба он дастёб гардидааст, ки унсур ва категорияҳои комилан навро ташхис намояд.Дар тадқиқоти мазкур барои таҳкими суботу амният ва тарбияи солими аҳли ҷомеа пешниҳодҳои амалӣ оварда шудаанд. Мулоҳизаи ҷиддии муаллиф барои дарк ва шинохти падидаҳои номатлуби нашъамандӣ ва нашъаҷалобӣ ба хонандаи тоҷик мусоидат хоҳанд кард.Ғояи асосии китоб аз андешаи Президенти ҷумҳурӣ Эмомалӣ Раҳмон оид ба мубориза ва пешгирии гардиши ғайриқонунии маводи мухаддир ва моддаҳои психотропӣ сарчашма гирифта, барои мутахассисоне , ки ба ин кор машғул хоҳанд шуд , чун роҳнамои назарию амалӣ метавонад хизмат намояд.Китоб барои сиёсатшиносон, ҷомеашиносон, таърихнигорон, кормандони фаврии мақомоти ҳифзи ҳуқуқ ва махсус, унвонҷӯён, донишҷӯён ва доираи васеи хонандагон, ки масъалаи мубориза бо гардиши ғайриқонунии маводи мухаддир ва моддаҳои психотропӣ мароқ зоҳир мекунанд, тавсия мешавад. Бояд гуфт,ки китоби мазкур бахшида ба 20- солагии Сарқонуни Ҷумҳурии Тоҷикистон таҳия гардида, дар муассисаи нашриявии «Ирфон» -и Вазорати фарҳанг чоп гардидааст.

Июнь 14, 2014 11:40

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд