М. Убайдуллоев бо даъвати Ж.Пиер Бел ба Аврупо рафт

Душанбе, 09.06.2014.(АМИТ «Ховар», Марзия Саидзода).-Бо даъвати Сенати Фаронса имрӯз ҳайати парлумонии Тоҷикистон таҳти роҳбарии Маҳмадсаид Убайдуллоев -раиси Маҷлиси миллии Маҷлиси Олии Ҷумҳурии Тоҷикистон ба ин давлати аврупоӣ сафар кард.
    Интизор меравад, М. Убайдуллоев зимни сафари панҷрӯзаи худ ба Фаронса бо Жан Пиер Бел-Президенти Сенати Фаронса, инчунин бо сенаторҳои фаронсавӣ Андре Дюле — роҳбари гуруҳи дӯстии Фаронса ва Осиёи Марказӣ ва Ив Поззо ди Борго — муовини роҳбари гуруҳи дӯстӣ, роҳбари гуруҳи дӯстии Фаронса ва Тоҷикистон баҳри таҳкими робитаҳои байнипарламентӣ мулоқот менамояд. 
      Инчунин М.Убайдуллоев аз қароргоҳи Ширкати фаронсавии «Итрон Франс», ки ба истеҳсоли ҳисобкунакҳои  обӣ машғул аст, дидан намуда, бо Паскал  Мишодел -Президенти «Итрон Франс» мулоқот хоҳад намуд.