Муколама оид ба ҳуқуқи инсон байни ИА ва ҶТ

 Душанбе, 18.06.2014. (АМИТ «Ховар»,Фарзона Достонзода).- Шашумин  ҷаласаи Муколама оид ба ҳуқуқи инсон байни Иттиҳоди Аврупо (ИА) ва Ҷумҳурии Тоҷикистон 17 июн дар шаҳри Душанбе баргузор гардид. 
Тавре ки ба АМИТ «Ховар» аз Намояндагии Иттиҳоди Аврупо дар Тоҷикистон иттилоъ доданд, ҳайати намояндагони Тоҷикистонро Музаффари Ашӯриён, мудири шуъбаи кафолатҳои ҳуқуқи инсон дар дастгоҳи иҷроияи назди Президенти Тоҷикистон раисӣ намуд. 
Муколама барои мубодилаи афкор оид ба вазъи ҳуқуқи инсон, чӣ дар Тоҷикистон ва чӣ дар ИА доир гардида, аз ҷумла, интихобот, пешгирии шиканҷа, озодии баён, озодии дин ва эътиқод, ҳуқуқи зан ва кӯдакон, ҳуқуқи фирориён дастрасӣ гардид.
Ҳамчунин муҳокимаи имкониятҳо барои ҳамкории аниқ байни Иттиҳоди Аврупо ва Ҷумҳурии Тоҷикистон дар доираи ҳуқуқи инсон ва волоияти қонун баргузор гардид.   
Ёдовар мешавем, ки ҷаласаи ояндаи Муколама оид ба ҳуқуқи инсон байни ИА ва Тоҷикистон соли 2015 дар шаҳри Душанбе ё Брюссел доир мегардад.