Мулоқоти Қоҳир Расулзода бо Муҳаммад Навоз Шариф

 
Душанбе, 18.06.2014. (АМИТ «Ховар», Зарангези Латиф).- Имрўз дар доираи сафари расмии Сарвазири Ҷумҳурии Исломии Покистон ба Ҷумҳурии Тоҷикистон мулоқоти Сарвазири мамлакат Қоҳир Расулзода бо Сарвазири Ҷумҳурии Исломии Покистон  Муҳамад Навоз Шариф доир гардид.
Зимни мулоқот маҷмӯи масоили ҳамкориҳои байниҳукуматии ду давлат дар соҳаҳои иқтисоду тиҷорат, роҳу нақлиёт, энергетика, саноат, маориф ва фарҳанг баррасӣ шуд. Ҷонибҳо аз раванди рушди ҳамкориҳои дуҷониба изҳори қаноатмандӣ карда, омодагию ҳавасмандии худро барои боз таҳким бахшидани робитаҳо дар роҳи бунёди корхонаҳои муштараки саноати сабук, неругоҳҳои барқи обӣ, хаттҳои интиқоли неруи барқ, ҷалби сармоя ва ба роҳ мондани ҳамкориҳои доираи сохибкорони ду кишвар барои ташкил ва фаъолгардонии кори минтақаҳои озоди иқтисодии Тоҷикистон ва  воридоти технологияҳои муосир баён доштанд.
Тавре ки таъкид шуд, робитаҳои ду давлати дўстро зиёда аз 30 санади ҳамкории байнидавлатию байниҳукуматӣ танзим менамояд, ки бештари он ҷанбаҳои иқтисодиро фарогир мебошад.