Мулоқоти А. Бобоев бо ҳайати Санкт-Петербург

 
Душанбе,4.06.2014. (АМИТ «Ховар», Лайло Тоирӣ).-3 июни соли равон  сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Анвар Бобоев бо ҳайати Кумита оид ба меҳнат ва шуғли аҳолии шаҳри Санкт-Петербурги Федератсияи Русия вохӯрд. 
Бино ба иттилои шуъбаи робита бо ҷомеаи хадамот, сардори Хадамоти муҳоҷират Анвар Бобоев доир ба масъалаҳои муҳоҷирати меҳнатӣ дар Ҷумҳурии Тоҷикистон, танзими раванди муҳоҷират, ба касбомӯзӣ фаро гирифтани шаҳрвандон -муҳоҷирони меҳнатӣ, омӯзиши забони русӣ, омодагии пеш аз сафари муҳоҷирон, таъсиси марказҳои машваратӣ, ҷоннок намудани фаъолияти омӯзишгоҳҳои касбӣ-техникӣ (ПТУ) ва 15 ноҳияи пилотӣ мароқ зоҳир намуд.
Дар фарҷом меҳмонон доир ба муҳоҷирати меҳнатӣ, таҷрибаи бархе аз кишварҳо дар заминаи муҳоҷират, касбомӯзӣ ва дигар масъалаҳои марбут ба  муҳоҷират андешаҳояшонро иброз намуданд.