Мулоқоти О.Сангов бо Р.Апасова

Июнь 25, 2014 11:14

Душанбе, 25.06.2014. (АМИТ «Ховар», Кристина Эрлих). — Муовини раиси Палатаи савдо ва саноати ҶТ Одил Сангов дар ҳошияи форуми соҳибкорон аз рӯи масъалаи ҳамкории минтақавӣ дар Осиёи Марказӣ, ки 24 июн дар шаҳри Душанбе баргузор гардид, бо ноиби президенти Палатаи савдо ва саноати Қирғизистон Римма Апасова мулоқот анҷом дод. Дар мулоқот котиби якуми сафорати Қирғизистон дар Тоҷикистон Сағимбек Қочқорбоев ширкат дошт. Дар ин бора аз ПСС ҶТ ба АМИТ «Ховар» хабар доданд. Ҷонибҳо масоили рушду таҳкими равобити байни палатаҳоро муҳокима намуда, ба вусъати фаъолияти соҳибкорони ҳар ду кишвар таваҷҷӯҳи хоса зоҳир намуданд.«Барои рушди минбаъдаи муносибатҳои тиҷоратию иқтисодии байни Тоҷикистону Қирғизистон имкониятҳои зиёде мавҷуданд, — гуфт зимни суханрониаш Одил Сангов. — Дар робита бо ин, Палатаи савдо ва саноати Тоҷикистон таҳкими равобити ҳамаҷониба бо соҳибкорони Ҷумҳурии Қирғизистонро вазифаи аввалиндараҷаи фаъолияти худ мешуморад». Римма Апасова дар навбати худ ба барқарор намудани равобити мустақими соҳибкорон, ки он ба рушду густариши ҳамкории тоҷирони ҳар ду кишвар мусоидат менамояд, таваҷҷӯҳи хоса зоҳир намуд. Ба гуфтаи ӯ ҳамгироии иқтисодӣ далели густариш ёфтани дӯстии байни халқҳои ҳар ду кишвар аст. «Дар робита бо ин, дар шаҳри Душанбе доир шудани форуми соҳибкорон аз рӯи масъалаи ҳамкории минтақавӣ дар Осиёи Марказӣ бо иштироки аҳли тиҷорати Қирғизистон, Тоҷикистон, Афғонистон ва Покистон ба ҳамкории бисёрҷонибаи кишварҳоямон қувваи нав мебахшад», — гуфт Римма Апасова.

Июнь 25, 2014 11:14

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд