Мулоқоти Р.Шодиков бо ширкатҳои туристии Бадахшон

Душанбе, 25.06.2014. (АМИТ «Ховар», Зарангези Латиф).- Аз 23- юм то 24-уми июни соли равон муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Руслан Шодиков бо ширкатҳои туристӣ, ҷавонон ва варзишгарони Вилояти Мухтори Кўҳистони Бадахшон мулоқот кард.
 Мулоқот дар доираи татбиқи «Барномаи давлатии рушди туризм дар Ҷумҳурии Тоҷикистон дар давраи солҳои 2010-2014», инчунин бо мақсади  иҷрои қарори Ҳукумати Ҷумҳурии Тоҷикистон дар бораи нақшаи чорабиниҳо оид ба беҳтар намудани фазои сармоягузорӣ дар бахши туризм ва тавсияҳои муҳокимаи парлумонӣ аз 18- уми июни соли 2014 доир ба иҷрои буҷети давлатии  Тоҷикистон дар қисми маблағгузории «Барномаи давлатии рушди туризм дар Тоиҷикистон барои солҳои 2010-2014», лоиҳаи «Барномаи давлатии рушди туризм дар Ҷумҳурии Тоҷикистон дар давраи солҳои 2015-2019» сурат гирифт.
 Ҷалб намудан ва омодасозии кадрҳои соҳаи туризм, алалхусус роҳбаладҳо дар шароити кўҳӣ дар макотиби сатҳи олӣ, масъалаҳои қабул ва пешкаш кардани хизматрасонии муносиб ба туристони хориҷӣ, фаъолияти пурсамари ширкатҳои туристии кишвар аз масоили муҳими мулоқот буд.