Мулокоти Рустам Назаров бо Янош Ҳерман

Июнь 10, 2014 10:34

Душанбе,10.06.2014. (АМИТ «Ховар», Лайло Тоирӣ).-Директори Агентии назорати маводи нашъаовари назди Президенти Ҷумҳурии Тоҷикистон генерал-лейтенанти милитсия Рустам Назаров 9 июни соли ҷорӣ бо Фиристодаи Махсуси Иттиҳоди Аврупо дар Осиёи Марказӣ ҷаноби Янош Ҳерман вохӯрд.Дар вохӯрӣ инчунин Сафири Иттиҳоди Аврупо дар Ҷумҳурии Тоҷикистон ҷаноби Эдуард Ауэр иштирок намуд. Бино ба иттилои дафтари матбуотии АНМН, дар вохӯрӣ масъалаҳои ҳамкорӣ байни Агентӣ ва Иттиҳоди Аврупо дар доираи Барномаи минтақавии «CADAP» баррасӣ гардид. Инчунин роҳбари Агентӣ ба меҳмонон нисбати ҳамкорӣ бо мақомоти ҳифзи ҳуқуқи Ҷумҳурии Исломии Афғонистон дар доираи Барномаи минтақавии СММ, “Ташаббусҳои АҚТ”, “Чоргонаи зиддимухаддиротии Осиёи Марказӣ, амалиётҳои муштарак, чорабиниҳои пешгирикунанда, иттилоъ дод. Директори Агентӣ қайд намуд, ки айни ҳол мақомоти ҳифзи ҳуқуқи Тоҷикистон дар омодасозӣ ва такмилдиҳии мутахассисон, хусусан дар соҳаи “қонунигардонии маблағ”, “таҳлили стратегӣ”, “таҳлили оперативӣ” ниёз доранд. Дар вохӯрӣ инчунин масъалаҳои амнияти минтақавӣ, мустаҳкам намудани сарҳади давлатӣ, тақвият бахшидан ба муборизаи муштарак бар зидди муомилоти ғайриқонунии маводи нашъаовар мавриди муҳокима карор гирифтанд. Дар анҷоми мулоқот тарафҳо изҳори боварӣ намуданд, ки ҳамкориҳо дар оянда боз ҳам мустаҳкам хоҳанд гардид.

Июнь 10, 2014 10:34

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд