Мусобиқаи гӯштин дар «Ҷашнӣ»

Душанбе, 20.06.2014. (АМИТ «Ховар», Ситораи Боймурод).- Дирӯз дар қасри варзишии «Ҷашнӣ»  — и шаҳри Хуҷанд мусобиқаи ҷумҳуриявӣ оид ба гӯштини юнонию румӣ байни калонсолон барои дарёфти ҷоизаи Мураббии шоистаи Ҷумҳурии Тоҷикистон Мирзомуҳиддин Қутфиддинов баргузор гардид.
Дар мусобиқа 70 нафар варзишгар аз минтақаҳои гуногуни кишвар иштирок намуд.
Ба 32 нафар беҳтаринҳо туҳфаҳои бахши ҷавонон, варзиш ва сайёҳии мақомоти иҷроияи ҳокимияти давлатии шаҳри Хуҷанд супорида шуданд.
Бояд гуфт, мусобиқа бори чаҳорум аст, ки дар шаҳри Хуҷанд- маркази вилояти Суғд гузаронида мешавад.
Дар ин бора аз хадамоти матбуоти раиси вилояти Суғд иттилоъ доданд.