Мусобиқоти ҷаҳон — 2014 : Ғалабаи дастаи Бразилия бар дастаи Хорватия

Душанбе, 13.06.2014. (АМИТ «Ховар»). — Назар ба хабари РИА Новости, футболбозони дастаи мунтахаби Бразилия дар вохӯрии аввали мусобиқоти ҷаҳон бо ҳисоби 3:1 дастаи Хорватияро мағлуб сохт. Ин вохӯрӣ дар варзишгоҳи «Коринтианс» — и шаҳри Сан — Паулу баргузор гардид.17 июн дастаи Бразилия бо дастаи Мексика ва дастаи Хорватия ва дастаи Камерун қувваозмоӣ менамоянд.Имрӯз дар мусобиқоти ҷаҳон оид ба футбол дастаи мунтахаби Испаниё бо дастаи Нидерланд ва дастаи Мексика ва бо дастаи Камерун вомехӯранд.Қобили зикр аст, ки ноиби аввали президенти Федератсияи футболи Тоҷикистон Хуршед Мирзоев, дабири кулли Федератсияи футболи Тоҷикистон Ислом Маҳмадшоев ва раиси Федератсияи футболи шаҳри Душанбе, узви Кумитаи иҷроияи ФФТ Дилшод Ҷӯраев дар кори Конгресси ғайринавбатии Конфедератсияи футболи Осиё ва Конгресси 64 — уми ФИФА иштирок намуданд. Дирӯз ҳайати Федератсияи футболи Тоҷикистон, чун ҳамаи иштирокдорони дигари Конгресс дар маросими оғози мусобиқоти ҷаҳон оид ба футбол ва вохӯрии байни дастаҳои Бразилия ва Хорватия иштирок доштанд.