Мусодираи зиёда аз 25 кг маводи нашъаовар

Душанбе, 16.06.2014. (АМИТ «Ховар», Муқаддас Темурзода). — Зимни гузаронидани чорабиниҳои фаврӣ-ҷустуҷӯӣ аз ҷониби кормандони Раёсати мубориза бар зидди гардиши ғайриқонунии маводи мухаддири Вазорати корҳои дохилӣ ҳамчун гумонбар дар ғайриқонунӣ нигоҳ доштани маводи нашъадор шаҳрванди 26 -сола Саидқул Зоиров, сокини ноҳияи Фархор дастгир шуд. Дар вақти кофтукови шахсӣ аз борхалтаи ӯ 8 кг 379 грамм маводи нашъадори афюн ва 16 кг 08 грамм маводи нашъадори ҳашиш дарёфт ва мусодира шуд. Дар ин бора маркази матбуоти ВКД ҶТ хабар медиҳад.
Сарчашма ҳамчунин хабар медиҳад, ки ҳангоми як чорабинии дигар дар шаҳри Истаравшан аз ҷониби кормандони шуъбаи ВКД-и шаҳри мазкур дар вақти кофтукови шахсӣ аз борхалтаи сокини 34-солаи маҳаллӣ Мӯсо Яҳёев 1 кг 220 грамм маводи нашъадори ҳашиш дарёфт ва мусодира гардид. 
Нисбат ба  далелҳои мазкур парвандаи ҷиноӣ оғоз гардида, тафтиш идома дорад.