Мусоидати ДМИТ ба истироҳати кӯдакон

Душанбе, 13.06.2014. (АМИТ «Ховар», Раъно Нусратуллозода).-Донишкадаи молия ва иқтисоди Тоҷикистон (ДМИТ) сарпарастии мактаб-интернати ҷумҳуриявии кӯдакони шунавоиашон суст ва деркаршуда дар ноҳияи Рӯдакиро ба уҳда дорад ва пайваста аз ҳолу аҳволи бошандагони он хабар мегирад.Котиби матбуоти донишкада Машҳура Абдуллоева ба АМИТ «Ховар иттилоъ дод, ки Раёсати донишкада барои истироҳати бофароғати тарбиятгирандагони ин таълимгоҳ чораҷӯӣ карда, 20 нафар тарбиятгирандагони аз 7 то 13 солаи ин муассисаи таълимиро аз ҳисоби маблағҳои махсуси донишкада ба лагери «Чайка»-и ноҳияи Варзоб равон сохт. Ин кӯдакон аз 12 то 27 июни соли равон дар лагери мазкур ба истироҳату фароғат ва тарбия фаро гирифта мешаванд.