Н. Д. Бисвал: «ИМА барои таъмини амнияти сарҳадоти Тоҷикистон омодааст»
Душанбе, 02.06.2014. (АМИТ «Ховар», Бекназари Абӯбакр). — «Мо имрӯз бо Президенти Тоҷикистон муҳтарам Эмомалӣ Раҳмон мулоқоти бисёр созгор доштем, ки дар он муносибатҳои дуҷонибаи Ҷумҳурии Тоҷикистон ва Иёлоти Муттаҳидаи Амрикоро баррасӣ намудем», — гуфт 2 июни соли ҷорӣ пас аз мулоқот бо Президенти Тоҷикистон Эмомалӣ Раҳмон Ёвари котиби давлатии Иёлоти Муттаҳидаи Амрико (ИМА) доир ба масоили Осиёи Марказӣ ва Ҷанубӣ Ниша Десай Бисвал.Вай афзуд, ки: «Ман ба Президенти Тоҷикистон Эмомалӣ Раҳмон миннатдории Президенти ИМА Барак Обамаро барои расонидани кумак ҷиҳати рушди Афғонистон расонидам».Ниша Десай Бисвал зикр намуд, ки Тоҷикистон бо Афғонистон сарҳади тӯлонӣ дорад ва ин боиси нигаронист. Бо назардошти ин, ИМА омодааст, ки барои таъмини амнияти сарҳадоти Тоҷикистон кумак расонад. «Мо бо як ҳайати калон ҷиҳати иштирок дар машваратҳои сиёсии солона миёни мақомоти Тоҷикистон ва Амрико ба Тоҷикистон омадаем, ки дар назар аст, дар онҳо масоили густариши муносиботи иқтисодӣ, амният, ҳуқуқи башар ва ғайраҳо муҳокима ва баррасӣ гарданд», -тазаккур дод ёвари котиби давлатии ИМА дар умури Осиёи Марказӣ ва Ҷанубӣ.Дар фарҷом Ниша Десай Бисвал иттилоъ дод, ки дар доираи ин сафар ба Тоҷикистон мулоқотҳои ӯ инчунин бо дипломатҳои ҷавон ва бахши хусусӣ низ дар назар аст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






