Нақши Ваҳдати миллӣ дар сулҳи Тоҷикистон
Душанбе,21.06.2014. (АМИТ «Ховар», Раъно Нусратуллозода).-Ба ифтихори 17-умин солгарди Ваҳдати миллӣ дирӯз дар Донишгоҳи давлатии омӯзгории Тоҷикистон ба номи Садриддин Айнӣ конфронси илмӣ-амалии ҷумҳуриявӣ баргузор гардид.
Тавре ки котиби матбуоти донишгоҳ Бахтиёри Абдураҳим иттилоъ дод, дар ҳамоиш, ки бо ибтикори кафедраҳои фалсафа ва сиёсатшиносии таълимгоҳи мазкур ташкил шуд, раиси Кумитаи иҷроияи Шӯрои ҳаракати ваҳдати миллӣ ва эҳёи Тоҷикистон Мирзошорух Асрорӣ ва раиси Шӯрои куҳансолони Тоҷикистон Ғайбулло Афзалов ширкат намуда, дар мавзӯоти «Нақши ваҳдати миллӣ дар сулҳи Тоҷикистон» ва «Аҳамияти истиқлолияти миллӣ дар ташаккули давлати навини тоҷикон» маърӯза хонданд.
Зикр гардид, ки пас аз соҳибистиқлол шудани Тоҷикистон гурӯҳҳои манфиатхоҳу бадкеш ҷомеаи моро ба гирдоби ҷанги шаҳрвандӣ кашиданд ва тӯли чандин сол вазъият дар кишвар ноорому ноамн боқӣ монд. Мебояд гуфт, ки ин ҷанг бар сари мардуми тоҷик таҳмилӣ буд ва толеи мо баландӣ кард, ки фарзанди фарзонаи миллат Эмомалӣ Раҳмон зимоми ҳокимиятро ба даст гирифт ва миллату давлатро аз парокандагию нобудӣ раҳо бахшид.
Дар ҳамоиш, ҳамзамон, таъкид гардид, ки сулҳу осоиштагӣ дар мамлакати мо ба осонӣ ба даст наомадааст ва ҷавононро мебояд, ки барои пойдории он содиқона ба Ватан хизмат намоянд.
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
