Нархи роҳхати ҳаҷ муайян шуд
Душанбе, 05.06.2014. (АМИТ «Ховар», Мавҷуда Анварӣ). — Кумитаи оид ба корҳои дин, танзими анъана ва ҷашну маросимҳои миллии Тоҷикистон тасдиқ намуд, ки арзиши хизматрасониҳо дар мавсими имсолаи ҳаҷ 539 сомонӣ боло рафта, 18 ҳазору 164 сомониро ташкил медиҳад.
Нархи нав дар натиҷаи тавофуқ ва шартнома бо ширкати хизматрасони Шоҳигарии Арабистони Саудӣ муайян гардид.
Кумитаи дин омили асосии болоравии нархи Ҳаҷро афзоиши қурби доллар гуфт, ки соли гузашта арзиши як доллари амрикоӣ 4,83 сомониро ташкил медод ва имсол то ба 4,97 сомонӣ боло рафтааст. Инчунин имсол таъмини суғуртаи зоирон низ аз ҷониби кумита ба роҳ монда шудааст.
Маблағи 18 ҳазору 164 сомонӣ чиптаи ҳавопаймо, маблағи раводид, иҷораи меҳмонхонаҳо дар шаҳрҳои Макка ва Мадина, се маротиба хӯрок дар як рӯз, хидмати роҳбаладон, суғурта, кӯмаки аввалияи тиббӣ, эмгузаронӣ бар зидди бемориҳои сирояткунанда, ҷузвдон, либос ва ғайраро дар бар мегирад.
Имрӯз дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
