Навоз Шариф бо сафари расмӣ вориди Душанбе шуд

Июнь 17, 2014 13:05

Душанбе, 17.06.2014. (АМИТ «Ховар», Бекназари Абӯбакр). — Зуҳри имрӯз Сарвазири Ҷумҳурии Исломии Покистон Муҳаммад Навоз Шариф бо як сафари расмӣ вориди пойтахти Тоҷикистон – шаҳри Душанбе шуд. Дар Фурудгоҳи байналмилалии шаҳри Душанбе меҳмони олимақомро муовини Сарвазири Ҷумҳурии Тоҷикистон Азим Иброҳим ва дигар шахсони расмӣ пешвоз гирифтанд.
Мутобиқи нақшаи ин сафари расмӣ Навоз Шариф 17 июн пас аз зуҳр дар Қасри Миллат бо Сарвари давлати Тоҷикистон мулоқоти хоса намуда, масоили марбутба равобити дуҷонибаро дар музокирот бо иштироки ҳайатҳои ҳарду ҷониб муҳокима ва баррасӣ менамоянд.
Мулоқоти Сарвазири Покистон Навоз Шариф бо Сарвазири Тоҷикистон Қоҳир Расулзода 18 июн дар назар аст.

Июнь 17, 2014 13:05

Хабарҳои дигари ин бахш