Навсозии роҳи Айнӣ — Панҷакент

 Панҷакент, 24.06.2014. (АМИТ «Ховар», Гулбаҳор Худойбердиева).- -Сохтмони роҳ дар асоси лоиҳаи таҷдиди роҳи мошингарди Панҷакент — Айнӣ давом дорад. Дар ин бора аз мақомоти иҷроияи шаҳри Панҷакент  ба мухбири АМИТ «Ховар» хабар доданд.
   Мувофиқи иттилои манбаъ, дар ин иншоот беш аз 12  адад техникаи сохтмонӣ ва 400 нафар коргар кор мекунад.  Мувофиқи лоиҳа, бунёду таҷдиди 31 пул пешбинӣ шуда буд, ки ҳоло 6-тои он дар арафаи супоридан қарор дорад. Қобили зикр аст, ки масофаи умумии роҳи мошингард 112,6 километр ва бари он 15 метр мебошад.  Ғайр аз ин роҳҳои мошингарди маркази ноҳияи Панҷакент ва боз 60 километр роҳи дорои аҳамияти маҳаллӣ таҷдид мешаванд.
  Лоиҳаи мазкур аз ҳисоби маблағҳои Ҳукумати Тоҷикистон ва қарзҳои бебозгашт дар амал татбиқ мегардад.