Ободсозии макони муҳоҷирони экологӣ

Турсунзода. 14.06.2014с. (АМИТ, «Ховар», Ҳотами Шариф).-Алҳол дар ҳудуди шаҳри Турсунзода 498 нафар муҳоҷири экологӣ ба сохтмони манзили зист машғуланд. Аз ин теъдод 294 нафари онҳо сохтмони хонаҳояшонро пурра ба анҷом расонидаанд. Ҳамчунин дар ин ҷо сохтмони мактаб барои 1 ҳазору 176 нафар дар як баст дар арафаи анҷомёбист. Қомат афрохтани бинои маркази саломатӣ, хонаҳои зебову замонавӣ, роҳи мумфарши дохилӣ ин мавзеъро ба шаҳрчаи зебо мубаддал кардааст. Ёдовар мешавем, ки бо мақсади иҷрои қарори Ҳукумати Ҷумҳурии Тоҷикистон аз 20 январи соли 2009 «Дар бораи аз минтақаи зериобмонии Нерӯгоҳи барқи обии 2Роғун» кўчонидани аҳолии шаҳри Роғун ва ноҳияи Нуробод ба шаҳри Турсунзода» чунин корҳо амалӣ мешаванд.