Омӯзиш дар бахши ҳунармандӣ

Душанбе, 02.06.2014. (АМИТ «Ховар»,Фарзона Достонзода).- Барномаи Иттиҳоди Аврупо аввалин омӯзишро оид ба идораи доираи барнома барои ташкилотҳои миёнарави — тиҷоратӣ дар бахши ҳунармандӣ дар Душанбе гузаронид. 
Тавре ки аз намояндагии Иттиҳоди Аврупо  дар Тоҷикистон ба АМИТ «Ховар» иттилоъ доданд, омӯзиш аз тарафи Ташкилоти ғайритиҷоратии фонди Cesvi дар шаҳри Душанбе дар чорчӯбаи лоиҳаи «Ҳунармандӣ ва соҳибкорӣ ба воситаи ҳамгироии минтақавӣ ва бозори савдои боадолат», ки аз тарафи Иттиҳоди Аврупо маблағгузорӣ мегардад, ташкил  шуд. Омӯзиш намояндаҳои АМСХМ ҶТ (Ассотсиатсияи миллии соҳибкории хурд ва миёнаи Ҷумҳурии Тоҷикистон), Иттифоқи ҳунармандони Тоҷикистон, Ассотсиатсияи заргарон, Вазорати фарҳанг, Палатаи савдо ва саноатро ҷалб намуд.  
Бояд зикр  намуд, ки ин омӯзиш барои омӯзгорон якумин силсила барои тақвияти вазифаи ташкилотҳои миёнаравии тиҷоратӣ ва зиёд намудани малакаи онҳо дар бахши ҳунармандии Тоҷикистон ва Қирғизистон мебошад.   Дар давоми 2 сол барнома барои ҳамкории Тоҷикистон ва Қирғизистон дар бахши ҳунармандӣ мусоидат менамояд.