Омӯзиши миллӣ оид ба маводи химиявӣ ва прекурсорҳо

Июнь 20, 2014 09:22

Душанбе, 20.06.2014 (АМИТ «Ховар», Пайрави Қосим).- Бисту шаш афсар аз мақомоти ҳифзи ҳуқуқи Ҷумҳурии Тоҷикистон дар давраи омўзишӣ оид ба мавзўи «Маводи химиявӣ ва прекурсорҳо» иштирок намуд, ки он 19 июн дар шаҳри Душанбе анҷом ёфт.
  Давраи омўзишӣ муштаракан аз ҷониби Барномаи Иттиҳоди Аврупо -БРСММ оид ба мусоидат ба идораи сарҳадот дар Осиёи Марказӣ (БОМКА) ва Барномаи идораи сарҳадоти Дафтари САҲА дар Тоҷикистон ташкил гардид. Чорабинии мазкур ҷузъе аз силсилаи курсҳои омўзишӣ ба ҳисоб рафта, ҳадаф аз он инкишофи зарфияти мақомоти ҷавобгар ба амнияти сарҳадоти Ҷумҳурии Тоҷикистон ҷиҳати муассиртар аксуламал нишон додан ба таҳдиду чолишҳои муосир, ба хусус дар мавриди ошкоркунии маводи мухаддир ва прекурсорҳо, мебошад. 
Давраи омўзишии серўза аз ҷониби коршиносони соҳаи маводи химиявӣ аз хадамоти гумрукии Латвия баргузор гардид. Шунавандагони давраи омўзишӣ аз байни кормандони ниҳодҳои ҳукуматии Тоҷикистон, аз ҷумла 10 нафар аз Агентии назорати маводи мухадир, 10 нафар аз Хадамоти гумрукӣ ва 6 нафар аз Қўшунҳои сарҳадӣ интихоб гардиданд. Дар давоми давраи омўзишӣ методологияи муосир ва амалкарди беҳтарин дар соҳаи назорати прекурсорҳо ва ошкоркунии қочоқи эҳтимолии маводи химиявии гуногун ва инчунин ҷамъоварӣ ва табодули самарабахши иттилоот миёни ниҳодҳои мухталифи ҳукуматӣ ва ҳамкорӣ бо бахши хусусӣ мавриди истифода қарор гирифт. 
 
 
 
 
 

Июнь 20, 2014 09:22

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд