“Паёми ҳамбастагӣ”дар ҷашни Ваҳдат

Июнь 16, 2014 11:39

            Душанбе, 16.06.2014.(АМИТ “Ховар”, Марзия Саидзода).-17-умин -солгарди ҷашни Ваҳдати миллӣ шоми 27 июн дар Наврӯзгоҳи пойтахт таҷлил мешавад. Дар асоси қарори ба тасвибрасидаи Маҳмадсаид Убайдуллоев -шаҳрдори Душанбе  шоми 27 июн дар Боғи Наврӯзгоҳ бо иштироки ҳунармандони театр, устодони санъат ва ситораҳои эстрадаи тоҷик  барномаи идонаи фарҳангию мусиқӣ таҳти унвони “Паёми ҳамбастагӣ” баргузор гардида, дар фарҷоми он мушакпарронии ҳафтдақиқаинаи идона фазои пойтахтро дурахшон хоҳад кард. 
             Ҳамзамон ба ифтихори ҷашни Ваҳдати миллӣ 27 июн дар боғҳои фарҳангу фароғатии «Дӯстии халқҳо», «Кӯли ҷавонон», Боғи устод Рӯдакӣ ва майдони «800-солагии Маскав”сайругашти оммавии шаҳрвандон,  намоишҳои ҳунарӣ, намоиш ва фурӯши маҳсулоти қаннодӣ  ташкил мешавад. 
          Инчунин ба истиқболи ин ҷашни таърихӣ дар пойтахт силсилаи  вохӯриҳо бо иштироки фаъолони Шӯрои марказии Ҳаракати ҷамъиятии ваҳдати миллӣ ва эҳёи Тоҷикистон, аъзои Маҷлиси Миллӣ ва вакилони Маҷлиси  намояндагони Маҷлиси Олии Ҷумҳурии Тоҷикистон аз шаҳри Душанбе,  вакилони Маҷлиси вакилони халқи шаҳри Душанбе ва ноҳияҳои он баргузор мегардад.
       Тибқи ин қарор раиси шаҳри Душанбе ба роҳбарону масъулони сохторҳои марбутаи пойтахт бобати таъмини тартиботи ҷамъиятӣ ва амнияти шаҳрвандону меҳмонон дар Рӯзи Ваҳдат  дастур додааст. 

Июнь 16, 2014 11:39

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд