Роҳхат ба ДДТТ

Кӯлоб, 18.06.2014. (АМИТ «Ховар», Сулаймони Хол).-Бо ташаббуси Вазорати тандурустӣ ва ҳифзи иҷтимоии аҳолӣ ҳамасола спартакиадаи донишҷӯёни коллеҷҳои тиббии кишвар гузаронида мешавад, ки дар он беҳтарин донишҷуён ғолиб гардида, барои идомаи таҳсил ба Донишгоҳи давлатии тиббии Тоҷикистон (ДДТТ) роҳхат мегиранд. Дар спартакиадаи навбатӣ, ки дар вилояти Суғд баргузор гардид, донишҷӯёни Коллеҷи тиббии шаҳри Кӯлоб фаъолона ширкат варзида, ҷойҳои ифтихориро сазовор шуданд. Як донишҷӯи коллеҷи мазкур дар олимпиада ҷои якумро касб намуда, барои идомаи таҳсил ба Донишгоҳи давлатии тиббии Тоҷикистон роҳхат гирифт. Роҳбарияти коллеҷ ғолибони спартакиадаро бо ифтихорнома ва туҳфаҳои пулӣ қадрдонӣ карданд.