Саҳм ва мақоми занон дар таҳкими ҷомеа

Душанбе, 6.06.2014. (АМИТ “Ховар”, Зарангези Латиф).- Дирӯз дар шаҳри Чкалов бо ташаббуси бахши кор бо занони мақомоти маҳаллӣ машварат доир гардид, ки дар он занону бонувони фаъоли шаҳр ширкат варзиданд.Мавзӯи машварат “Саҳм ва мақоми занон дар таҳкими ҷомеа” буда, бахшида ба 20-солагии қабули Сарқонуни Ҷумҳурии Тоҷикистон ва иҷрои «Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занон ва духтарони лаёқатманд барои солҳои 2007-2016”, инчунин “Тасдиқи стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020” гузаронида шуд.Зикр гардид, ки пас аз соҳибистиқлол гардидани Ҷумҳурии Тоҷикистон Сарвари давлат Эмомалӣ Раҳмон ба масъалаи мақому манзалати зан дар ҷомеа эътибори хосса зоҳир намуда, дар ин ҷода як силсила санаду барномаҳоро ба тавсиб расонидааст.