Семинари «ТАЛКО» аз рӯи бехатарии экологӣ

Июнь 9, 2014 12:56

Душанбе, 09.06.2014. (АМИТ «Ховар», Марҳабои  Азамат). — Бо  ибтикори Кумитаи  ҳифзи  муҳити  зисти  назди Ҳукумати Ҷумҳурии  Тоҷикистон  ва «ТАЛКО»  ва мусоидати Комиссияи  доимии  экологии Маҷлиси   намояндагони  Маҷлиси  Олии  ҶТ  дар  шаҳри  Турсунзода  семинари илмию амалӣ  дар  мавзӯи  «Масоили  таъмини  бехатарии   экологии корхонаҳои  саноатии  Тоҷикистон дар  мисоли  фаъолияти КВД «Ширкати  алюминийи  Тоҷикистон («ТАЛКО»)» баргузор гардид.
Дар  семинар  намояндагони  идораҳои давлатӣ  ва  муассисаҳои  илмӣ,  кормандони  намояндагиҳои  дипломатии  кишварҳои  Осиёи  Марказӣ  дар  Тоҷикистон, созмонҳои ҷамъиятии  экологӣ,  коршиносони  бахши  экология,  журналистони  васоити  ахбори оммаи  дохилию  хориҷӣ  ширкат  доштанд.
Иштирокдорони  семинар  таҷрибаи  корхонаҳои  Тоҷикистон, аз ҷумла  таҷрибаи Корхонаи  воҳиди давлатии «ТАЛКО»  дар  амри  таъмини бехатарии  экологии корхонаҳои  саноатиро  мавриди  муҳокима  қарор  доданд. 
«Сиёсати  экологии  КВД «ТАЛКО»  ба  хусусияти  таъсири   корхона ба  муҳити  зист  мувофиқат  намуда, ӯҳдадориҳоро дар бахши  беҳдошти  доимии  сифати  муҳити  зист  дар  бар  гирифта,  ба  ифлосшавии  муҳит  роҳ  надода,  талабҳои   марбут ба  қонуни  ҳифзи табиатро  баҷо  меорад», — гуфт   зимни  суханрониаш  директори Раёсати  иттилоот ва  робита  бо  аҳли  ҷамъияти КВД «ТАЛКО» Игор  Сатторов. 
Дар  семинар коршиносони  маъруфи  соҳаи  экология  ва  ҳифзи  муҳити  зист аз  қабили  вакил, узви Кумитаи  оид ба масоили  кишоварзӣ  ва  экология, роҳбари Комиссияи  доимии  экологии Маҷлиси намояндагони Маҷлиси  Олии  ҶТ  Маҳмадшариф  Ҳақдодов,  муовини  раиси  Кумитаи ҳифзи  муҳити  зисти назди  Ҳукумати  ҶТ Шамс  Назаров, директори иҷроияи  B.A.R.S. Consulting Ltd   Алихон Латифӣ,  сардори  шуъбаи   ҳифзи  муҳити зисти  КВД «ТАЛКО»  Нуралӣ  Қодиров,  коршиноси  бахши гуногунии биологӣ Светлана Балаговешенская,  коршиноси  масоили  иҷтимоӣ Ҷамшед  Урунбоев  ва дигарон  фикрашонро  дар  бораи  экология  ва  ҳифзи  муҳити  зист  баён  доштанд.
 

Июнь 9, 2014 12:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд