Шанбегӣ дар соҳили Сир

Душанбе, 16.06.2014. (АМИТ «Ховар», Ситораи Боймурод).- Ҳафтаи сипаригардида бо иштироки кормандони муассисаҳои варзишӣ, ҳифзи муҳити зист ва корхонаю муассисаҳо дар соҳили дарёи Сир шанбегӣ гузаронида шуд.
Мақсади багузории чорабинӣ дар фасли тобистон дар ҳолати тозаю обод нигоҳ доштани соҳили дарё ва эмин нигоҳ доштани он аз ҳар гуна партовҳои зараррасон буда, масъулини бахши ҷавонон, варзиш ва сайёҳии шаҳри Хуҷанд ва ҳифзи муҳити зист соҳили дарёро аз пули марказии шаҳр то пули «Ҷашнӣ» аз алафҳои бегона, партовҳои маишӣ ва ғайра тоза намуданд.
Барои баровардани партовҳо аз ҳудуди шаҳр аз воситаҳои техникии КВДК «Хизматрасонии нақлиёти санитарӣ» истифода шуд.