Ширкати футболбозони ҷавони Тоҷикистон дар мусобиқот барои дарёфти Ҷоми президенти Қазоқистон

Душанбе, 20.06.2014. (АМИТ «Ховар»,  Пайрави  Косим). – Дастаи  мунтахаби  наврасони  Тоҷикистон  оид ба  футбол  дар  ҳошияи  омодагӣ ба Мусобиқоти байналмилалӣ барои  дарёфти  Ҷоми президенти  Қазоқистон  дар  шаҳри  Норак  машқ  мекунад.  
Тавре  ки  менеҷери  дастаи наврасон  Меҳроҷиддин  Холов  хабар  дод,  машқҳои даста то 22  июн  давом  мекунанд. Сармураббии  даста  Салоҳиддин  Ғафуров барои  иштирок  дар  мусобиқот  24 футболбозро  даъват  кардааст. 
Хотирнишон  месозем, ки  мусобиқот барои  дарёфти  Ҷоми  президенти  Қазоқистон аз  25  то 29  июн  дар  шаҳри Остона баргузор  мешавад. Дастаи  мунтахаби  наврасони  Тоҷикистон  дар  гурӯҳи  «В»  бо  дастаҳои  Испаниё,  Эрон ва  Озарбойҷон  қувваозмоӣ  мекунад. Дар гурӯҳи  «В»  дастаҳои  Гурҷистон,  Қирғизистон,  Чин ва  Қазоқистон  бо  ҳам  вомехӯранд.
Футболбозони  кишвари мо  25  июн  бо  дастаи  Эрон,  26  июн  бо  футболбозони  Испаниё  ва 28  июн  бо  дастаи  Озарбойҷон  вомехӯранд.