Суғд: 127 парванда нисбат ба шаҳрвандони хориҷӣ

Хуҷанд, 4.06.2014. (АМИТ “Ховар”, Абдуаҳад Шарифзода).-Дар тӯли 5 моҳи соли равон дар вилояти Суғд нисбат ба шаҳрвандони хориҷӣ 127 парванда оғоз гардидааст.   Мувофиқ ба маълумоти Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд, дар ин давра дар 35 корхонаи муштарак ва ширкат аз ҷониби гурӯҳҳои санҷишии Раёсат санҷишҳои назоратӣ гузаронида шуда, дар онҳо нисбат ба шаҳрвандони хориҷӣ 27 парвандаи ҳуқуқвайронкунии маъмурӣ оғоз гардид.Бояд гуфт, ки дар қаламрави вилоят аз 12 май то охири моҳ марҳилаи якуми амалиёти махсуси «Нелегал — 2014» гузаронида шуд. Аз ҷумлаи парвандаҳои ҳуқуқвайронкунии мазкур 19-тоаш дар доираи ҳамин амалиёт ба қайд гирифта шудааст.Дар умум, дар панҷ моҳи соли равон аз тарафи сармутахассисони дастгоҳи Раёсат ва гузаргоҳҳои наздисарҳадӣ 127 ҳодисаи ҳуқуқвайронкунии маъмурӣ аз ҷониби шаҳрвандони хориҷӣ ошкор гардида, парванда оғоз шудааст.