Суғд: Спартакиада барои Ҷоми вазири мудофиа

Хуҷанд, 5.06.2014. (АМИТ “Ховар”, Абдуаҳад Шарифзода).- Дар шимоли кишвар спартакиадаи умумии ҳарбию варзишӣ барои дарёфти Ҷоми вазири мудофиаи ҶТ оғоз гардид. Дар он 10 дастаи сарбозони қисмхои низомии гарнизони Суғд  иштирок мекунанд. 
Ба гуфти масъулин, мақсад аз баргузории ин чорабинӣ-ҷалби бештари сарбозон ба варзиш, тарғиби тарзи ҳаёти солим дар байни онҳо ва ба ин васила баланд бардоштани малакаю маҳорати ҳарбию варзишии  сарбозон  мебошад. 
Спартакиада аз рӯи намудҳои варзиш, чун футболи хурд, волейбол, давидан ба 100 ва 3000 м, турниккашӣ, ҷанги тан ба тан гузаронида мешавад. Спартакиада то 8 июн идома ёфта, ғолиби он бо Ҷоми вазири мудофиа ва маблағи пулӣ- 3000 сомонӣ барои ҷои аввал, ҷои дувум бо 1,5 ҳазор сомонӣ ва ғолиби ҷои севум бо 1000 сомонӣ мукофонида мешавад.