Тақдими аробачаҳои маъюбӣ аз ҷониби соҳибкорон

Кӯлоб, 18.06.2014. (АМИТ «Ховар», Сулаймони Хол).- Соҳибкорони шахри Кӯлоб ҷиҳати расонидани кумак ба оилаҳои ниёзманд ва ашхоси маъюб дар ҳамкорӣ бо ҳокимияти давлатӣ ба якчанд нафар маъюб, ки имконияти роҳ гаштан надорад, аробачаҳои маъюбӣ тақдим намуданд, ки боиси хушнудии онҳо гардид. Бояд зикр намуд, ки соҳибкорони шаҳру ноҳияи Кӯлоб пайваста ба табақаи ниёзманд кумак мерасонанд. Дар давоми шаш моҳи соли ҷорӣ тӯи хатнаи беш аз 300 нафар атфол ва ҷашни домодию арӯсии 80 ҷуфт гузаронида шуд. Дар Рӯзи ҷаҳонии муҳофизати кӯдакон ба тарбиятгирандагони мактаб-интернати ёрирасони шаҳри Кӯлоб ва маркази будубоши рӯзонаи «Парасту» кумак расонида шуд.