Тақдими китобҳои ройгон ба мактаббачагон

 Душанбе, 6.06.2014. (АМИТ «Ховар», Зарангези Латиф).- Шурӯъ аз имрӯз бо ташаббуси Китобхонаи давлатии бачагонаи ҷумҳуриявии ба номи Мирсаид Миршакар ва ташкилоти ҷамъиятии МТС «Зеркало» дар тамоми мактабҳои ҷумҳурӣ китобҳои  бачагонаи адабӣ тақдим мегарданд.
Тавре ки Қурбон Авғонов, директори Китобхонаи давлатии бачагонаи ҷумҳуриявии ба номи Мирсаид Миршакар дар ин бора иттилоъ дод, имрӯз дар тамоми мактабҳои таҳсилоти миёнаи умумии шаҳри Норак, 10-уми июн дар мактабҳои ноҳияи Варзоб, 12-уми июни соли равон дар макотиби ноҳияи Файзобод китобҳои бачагонаи адабӣ  супорида мешаванд.
Ба иттилои Қурбон Авғонов  баҳри ҷалб намудан ба осори бадеӣ ва китобдӯстии мактаббачагон ба тамоми макотиби таҳсилоти миёнаи умумии ҷумҳурӣ 2 ададӣ китоби ройгон тақдим мегардад.