Тоҷикон дар Маскав Ваҳдати миллиро ҷашн мегиранд

Июнь 24, 2014 13:58

Душанбе, 24.06.2014. (АМИТ «Ховар», Екатерина  Пасторова). – 27  июн  дар толори  киноконсертии «МИР» — и  шаҳри  Маскав   ба  ифтихори иди  давлатӣ – Рӯзи  ваҳдат ва истиқрори  миллии  Тоҷикистон  консерти  идонаи «Хонаат обод бод, Тоҷикистон!» баргузор  мегардад.  Ин  чорабинӣ бо  ибтикори маркази васоити  ахбори оммаи  TaJinfo – и тоҷикон роҳандозӣ  мешавад. Дар  ин  бора роҳбари  маркази  мазкур  Ғуфрон  Ваҳобов  ба  АМИТ «Ховар»  хабар   дод. 
Дар  ҳошияи  чорабинӣ  филми  мустанад  дар  бораи таърихи  гуфтушуниди тоҷикон,   раванди  истиқрори  сулҳ  ва  ризоияти  миллӣ  дар  Тоҷикистон  намоиш  дода,  ситораҳои  эстрадаи  тоҷик   аз  қабили  Ҷонибек  Муродов, Ҳасан  Ҳайдар, дастаи карначиёни  «Садои  Хуҷанд» ва  гурӯҳи «Ғарибон»  ҳунарнамоӣ  мекунанд. 
Ба  чорабинӣ  намояндагони  расмии  мақомоти  ҳокимияти  давлатии  Ҷумҳурии  Тоҷикистон  дар  Маскав, ҷамоаи  тоҷикон,  донишҷӯёни тоҷикистонии  муқими  Русия  даъват  шудаанд.
Консерти  идона  дар толори  киноконсертии «МИР» баргузор  мегардад, ки  ин  рамзовар  аст. Қобили  зикр  аст, ки  27 июни  1997  дар  шаҳри  Маскав «Созишномаи  умумӣ  дар  бораи истиқрори   сулҳу  ризоияти  миллии  Тоҷикистон»  имзо шуда буд, ки Федератсияи  Русия  ҳам  аз  ҷумлаи  «Дӯстони Тоҷикистон» кафолати онро  ба  ӯҳда дошта буд», —  қайд  намуд Ғуфрон  Ваҳобов. 

Июнь 24, 2014 13:58

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд