Тренинг барои кормандони студияҳои телевизионӣ

Июнь 4, 2014 14:25

Душанбе, 04.06.2014. (АМИТ «Ховар»,Фарзона Достонзода). — Ташкилоти ҷамъиятии «Хома» бо дастгирии  Институти «Ҷамъияти кушода» — Бунёди мадад дар Тоҷикистон  гузаронидани тренингҳои омӯзиширо дар доираи  лоиҳаи «Маркази рушди маълумоти журналистӣ» идома медиҳад. Ҳадафи асосии ин лоиҳа бартараф намудани мушкилоти  норасоии кадрҳо дар соҳаи ВАО-и ватанӣ мебошад.
Тавре ки ба АМИТ «Ховар» аз Ташкилоти ҷамъиятии «Хома» иттилоъ доданд, тренинги навбатӣ аз 2 то 6 июни соли равон идома ёфта, он ба такмили дониши гурӯҳи  мутахассисони  технологияҳои истеҳсоли телевизионӣ, яъне коргардонҳо, муҳаррирон, наворбардорони студия, коргардонҳои садо, равшанидиҳандагон ва танзимгарон равона шудааст. Ин давраи омӯзишӣ дар базаи  Муассисаи давлатии «Телевизиони Сафина» давом дорад.        
Қисмати бештари тренинг аз дарсҳои амалӣ иборат буда, дар доираи он иштирокчиён жанрҳои барномаҳои студиявии телевизионӣ, сохтани сенария, драматургияи барнома, композитсия ва танзими барномаҳоро меомӯзанд. Инчунин бо сабти барномаҳо аз тариқи чор камера ва аҳамияти интихоби дурусти ранг, мусиқӣ ва равшанӣ шинос мешаванд.
Ёдовар мешавем, ки  мавзӯи тренинг «Банақшагирӣ ва истеҳсоли барномаи студиявии телевизионӣ» буда, ба он зиёда аз 30 нафар корманди студияҳои телевизионӣ аз тамоми минтақаҳои Тоҷикистон ҷалб гардидааст.

Июнь 4, 2014 14:25

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд