Туҳфаи ТИКА ба кӯдакони имконияташон маҳдуд

Июнь 3, 2014 09:13

Душанбе,3.06.2014. (АМИТ «Ховар», Лайло Тоирӣ).-Бахшида ба  Рӯзи умумиҷаҳонии муҳофизати кӯдакон дар Маркази ҷумҳуриявии барқарорсозии солимии кӯдакони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тибқи нақша баҳри кӯдакони марказ чорабинии фароғатию фарҳангӣ доир гардид. 
Тавре ки аз хадамоти матбуоти вазорат хабар доданд, дар он барои кудакон  дастархони идона ороста, ҳаваскорони ҷавон ҳунарнамои намуданд. Инчунин  байни кӯдакони имконияташон маҳдуд, ки дар айни замон дар ин марказ табобат мегиранд, маҳфили адабӣ  баргузор гардид. Муовини якуми вазири тандурустӣ ва ҳифзи иҷтимоии аҳолӣ Лола Бобоҳоҷиева ва муовини якуми раиси шаҳри Ваҳдат М. Табарова кӯдакон ва волидайни онҳоро ба муносибати ҷашни Рӯзи умумиҷаҳонии кӯдакон табрик намуданд. Дар ин чорабинӣ инчунин намояндагони ташкилотҳои мададрасони хориҷӣ, аз  ҷумла сафири ИМА дар Ҷумҳурии Тоҷикистон Сюзан Эллиот, сафири Туркия дар Тоҷикистон Озҷан Гултекин, намояндагони ташкилоти Агентии ҳамкорӣ ва рушди Туркия дар Тоҷикистон ТИКА, намояндагони Ассотсиатсияи кӯмак ва дастгирии Ҷопон ва намояндагони ВАО иштирок намуданд. 
Баъдан бо мақсади васеъ намудани имкониятҳои марказ бинои дуюм кушода шуд. Инчунин дар ин рӯз аз тарафи Агентии ҳамкорӣ ва рушди Туркия дар Тоҷикистон (ТИКА) ба кӯдакони марказ як нақлиёти мусофиркаш ба маблағи 23 000 доллари ИМА, 30 кат бо бистар ва 2 кондитсионери калон ба маблағи 53 000 сомонӣ, аз тарафи намояндагони Асосиатсияи кӯмак ва дастгирии Ҷопон бошад, воситаҳои ёрирасон туҳфа гардиданд.
 
 

Июнь 3, 2014 09:13

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд