Ваҳдати миллӣ-заминаи устувори рушд

Душанбе, 20.06.2014. (АМИТ «Ховар»,Фарзона Достонзода). — Ба ифтихори 17-умин солгарди Рӯзи Ваҳдати миллӣ бо ибтикори Маркази тадқиқоти стратегӣ 20 июн дар Душанбе конфронси илмии «Ҷойгоҳи ваҳдати миллӣ дар таъмини рушди устувори Ҷумҳурии Тоҷикистон» баргузор гардид.
Дар конфронс дар мавзӯъҳои масъалаҳои ҳифз ва таҳкими Ваҳдати миллӣ дар Тоҷикистон, Ваҳдати миллӣ- заминаи рушди устувори кишвар, Ваҳдати миллӣ:андешаҳо ва мабдаъҳо, арзёбии вазъи минтақа ва масъалаи таҳкими ваҳдати миллӣ, роҳҳои таҳкими ваҳдати миллӣ ва нақши он дар бунёди давлатдории миллӣ дар Тоҷикисон, тақвияти ғояи ваҳдати миллӣ дар байни насли ҷавон ва дурнамои он маърузаҳо шунида шуданд.
Дар конфронс зикр шуд, ки Созишномаи умумии истикрори сулх ва ризоияти миллӣ аз аҳамияти бузурги худ бо Эъломияи истиқлолияти Ҷумҳурии Тоҷикистон дар як радиф меистад. Агар Эъломия ба Тоҷикистон ба таври расмӣ истиқлол ва соҳибихтиёрӣ ато карда бошад, пас Созишнома сулҳу суботро дар сарзамини мо таъмин сохт.