Вахдати миллӣ-бузургтарин дастовард

Душанбе, 20.06.2014.(АМИТ «Ховар», Муқаддас Темурзода).-Бахшида ба Рӯзи Ваҳдати миллӣ имрӯз дар Хадамоти гумруки назди Ҳукумати Ҷумҳурии Тоҷикистон дар мавзӯи «Саҳми сохторҳои ҳифзи ҳуқуқ дар таъмини рушди иқтисодиёти Ҷумҳурии Тоҷикистон» конфронси илмию амалии ҷумҳуриявӣ баргузор гардид.
 Дар конфронси мазкур намояндагони сохторҳои ҳифзи ҳуқуқи ҷумҳурӣ, коршиносон, намояндагони мактабҳои олии кишвар ва хабарнигорони ВАО иштирок намуданд.
Муовини сардори Хадамоти гумрук генерал-майори хадамоти гумрук Нуриддин Маҳмадов дар мавзӯи самтҳои фаъолияти мақомоти гумрук дар даврони Ваҳдати миллӣ сухан гуфта, аз ҷумла изҳор дошт, ки бузургтарин  дороӣ ва дастоварди миллати тоҷик дар даҳсолаи охири асри 20 сулҳ ва ризояти миллӣ ва Истиқлолияти давлатии Ҷумҳурии Тоҷикистон мебошад. Ваҳдати  миллӣ сарчашмаи  бахту саодат, якдигарфаҳмӣ, омили муҳими першафт ва инкишофи давлату давлатдории миллӣ, рушду инкишофи  тамоми соҳаҳои хоҷагии халқи кишвар мебошад. 
Зикр шуд, ки ҳамаи дастовардҳои иқтисодию иҷтимоӣ дар мамлакатамон тайи 17- соли Ваҳдати миллӣ ба даст омадааст.