Ваксинатсия бар зидди бемории зардпарвини вируси намуди А

Душанбе,10.06.2014. (АМИТ «Ховар», Лайло Тоирӣ).-Бо мақсади пешгирӣ намудани паҳншавии бемории зардпарвини вирусии намуди А ва ба эътидол овардани вазъи эпидемиологии ин беморӣ бо ташаббуси Вазорати тандурустӣ ва ҳифзи иҷтимоии аҳолӣ, аз 9 то 14-уми июн дар байни кӯдакони аз синни 3 то 17 солаи хона-кӯдакистонҳо ва мактаб-интернатҳои шаҳри Душанбе ва вилоятҳои ҷумҳурӣ ваксинатсия (эмкунӣ) гузаронида мешавад.Тавре ки роҳбари Хадамоти давлатии назорати санитарию эпидемиологӣ Холмаҳмад Назаров иттилоъ дод, ваксинатсия бо максади пешгирии гепатити вируси А байни кӯдакон гузаронида мешавад. «Ваксинатсия кӯдакони хона- кӯдакистонҳо ва мактаб-интернатҳои шаҳри Душанбе, вилоятҳои Суғд, Хатлон ва ВМКБ -ро фаро хоҳад гирифт. Вазорати тандурустӣ ва ҳифзи иҷтимоии аҳолӣ бо ин максад 4 ҳазор воҳа доруи истеҳсоли Русияро харидорӣ намудааст. Ин ваксина сифати баланд дошта, безарар мебошад»,-гуфт Х.Назаров.