Вохӯрии С.Аслов бо Я.Ҳерман

Душанбе, 10.06.2014 (АМИТ «Ховар», Пайрави Қосим).- 9 июни соли 2014 вохӯрии Вазири корҳои хориҷии Ҷумҳурии Тоҷикистон Сироҷидин Аслов бо Фиристодаи махсуси Иттиҳоди Аврупо дар Осиёи Марказӣ Янош Ҳерман баргузор гардид.Зимни мулоқот самтҳои асосии ҳамкориҳои Иттиҳоди Аврупо ва Тоҷикистон ва дурнамои рушди ҳамкориҳо барои солҳои 2014-2020 баррасӣ шуданд. Таваҷҷуҳи бештар ба мавзӯҳои таҳкими амнияти сарҳадӣ, идораи захираҳои об, энергетика ва муҳити зист, татбиқи минбаъдаи Стратегияи Иттиҳоди Аврупо барои Осиёи Марказӣ ва ҳамчунин тавсеаи ҳамкориҳои минтақавӣ бо ҷалби Афғонистон зоҳир гардид.