Восеъ: пешгирии ҳолатҳои сӯхтор

Восеъ, 26.06.2014. (АМИТ «Ховар»,  Сулаймон Холов).-Масъулини  ӄисми  мустаӄили 41-уми  ҳарбикунонидашудаи  Хадамоти давлатии оташнишонии  ноҳияи Восеъ  баҳри беҳбудии  ҳолати бехатарии  зиддисӯхтории  иншоотҳои хоҷагии халқ, манзилҳои истиқоматӣ, ҳифзи ҳаёти шаҳрвандон  ва молу мулки давлатию ҷамъиятӣ  дар давоми шаш моҳи соли ҷорӣ корҳои назаррасро ба анҷом расониданд. Ба қавли  сардори  хадамоти мазкур Ҳоким Назаров  дар ин давом  дар ноҳия 10 ҳодисаи сӯхтор ба қайд гирифта шуд, ки зарари он  20 ҳазору 300 сомониро    ташкил медиҳад.  Инчунин  кормандони қисм  ҳолати бехатарии зиддисӯхтории  633 иншоотро  мукаммал ва 380  иншоотро такрорӣ санҷида,  фаъолияти 201 нуқтаи барқӣ  ва 144 печро муваққатан манъ  намуданд. Зимни 32 рейди муштарак  дар ноҳия ҳолати бехатарии зиддисӯхтории бозору марказҳои савдои ноҳия, нуқтаҳои истифодаи  сӯзишворӣ, муассисаҳои таълимӣ  ва хонаҳои истиқоматии шаҳрвандон  санҷида шуд.