Вожаи дил дар эҷодиёти Ҳофиз чиро ифода мекунад?

Душанбе, 14.06.2014. (АМИТ «Ховар», Раъно Нусратуллозода).-Дирӯз дар Китобхонаи миллии Тоҷикистон маҳфили 5-уми «Ҳофизхонӣ» бо аҳли дӯстдорони илму адаб баргузор гардид. Маҳфил бо ғазали “Дил меравад зи дастам, соҳибдилон, худоро…” оғоз гардид. Баъдан шоир Аскар Ҳаким, ки роҳбарии ин маҳфилро бар уҳда дорад ба таҳлили ин абёт шурӯъ карда, афзуд, калимаи дил вожаи муҳим аст дар ғазалҳои Ҳофиз ва дар шеъри ирфонӣ Ҳофиз ду чизро дар назар дорад-сукр ва саҳв, яъне ишқ ва бедорӣ ва ин ғазал аз 13 байт иборат аст. Дар ҷамъомад адабиётшиносон, меҳмонони маҳфил оид ба ин ғазал фикру андешаҳои худро иброз намуданд. Ёдовар мешавем, ки маҳфили «Ҳофизхонӣ» бо ибтикори Китобхонаи миллии Тоҷикистон моҳе ду маротиба гузаронида шуда, дӯстдорони аҳли адаб ва каломи бадеъро ҷамъ меорад.